«Уран хэлэтэнэй урилдаанда» хабаадаха дуратайшуул, шамдагты, захяа абалга февралиин 5 болотор үргэлжэлһөөр.
Энэ урилдаанда буряад хэлэндээ дуратайшуул уригдана. Хабаадахын тула, видео, бэшэг ба анкетэ хэрэгтэй. Урилдаанай эрилтэнүүдтэй дүрим соо танилсаха аргатайт.
Урилдаан наһанай 3 бүлэгтэ: 3-7, 8-17, 18-һаа дээшэ хэмжүүртэ, тиихэдэ «Аба эжын үреэлнууд», «Yреэлнууд, юрөөлнууд» ба «Дасанай магтаал» гэһэн янзануудта хубааран үнгэрхэ.
Тон түрүүшын урилдаан 2020 ондо Буряад Уласай соелой яаманай, тэрэнэй хүтэлбэрилэгшэ Соелма Дагаевагай дэмжэлтэ доро үнгэрһэн гээд һануулая. Тиигэжэ энэ урилдаан ганса Буряад Уласай бэшэ, харин хүршэ Эрхүү можо, Yбэр-Байгалай хизаарай ажаһуугшадай һонирхол татаһан байна. Дурбэн жэлэй турша соо энэ урилдаанда 500-гаад зон хабаадаһан юм.
Урилдаан 2024 оной февралиин 10-да Улаан-Yдэ хотын Бэеын тамирай-спортын ордон (ФСК) соо үнгэрхэ.
Асуудалай гарабал, 89516299196 гэһэн гарай утаһаар хонходоходо болохо.
